اللحم بالقصدير مع الرز الأبيض ............طريقة امي لايفوتكم

[شـذى]

والله الأكله سهله ولذيذه

الطريقة
تجيبين اللحمه حقتك وتغسلينها وتشيلين عنها الشحم بعدين تتبلينها ب:
خل +أجي نو موتو + فلفل أسود + ملح + كركم + بهارات مشكله

تجيبين صينية البايركس وتحطين داخلها قصدير بحيث تكون أطرافه برا علشان
تغطين اللحمه إذا حطيتيها داخله ويكون القصدير بشكل زائد من كل الأطراف ...
المهم إذا حطيتي اللحمه فيها حطي عليها ثوم مبشور كثريه وزنجبيل طازج مقطع صغير وتحطين بصل تقشرينه وتحطينه بدون تقطيع إذا كان صغيروإذا كان كبير إقطعيه بالنص بس و فلفل بارد وبطاطس تقطيع كبير ..

بعدين إخلطي كوب مويا مو كوب كبير وسط مع صلصه وشوي صويا وماجي وملح وزيت

وصبيه على الصينيه وغطيها بالقصدير ودخليها الفرن على درجه عاليه شوي
يعني تقريبا ساعتين إلى ساعتين ونص عاد طلي عليها بها الوقت بتشوفينها تطبخ ذوقي مويتها علشان تظبطين الملح وإذا خلصت بتصير مرقتها شويه وثقيله تهبل

إفتحي القصدير قبل التقديم وحمريها من فوق شوي إذا ماتحمرت ولا أحيانا تتحمر معي لحالها من حرارة القصدير
قدمي معها رز أبيض ملون بزعفران ..

:: حسناء ::

[dew]

حلوة هذه الطريقة ان شاء الله بكرة أجربها وأرد لك خبر
بس أبي اسألك ايش هو ( أجي نو موتو)
ويعطيك ألف عافية

[شـذى]

هلا والله Dew
حياك يالغالية
اجيني موتو هو لملح الصيني يباع في السوبر ماركت قارورة صغيرة بيضاء غطاها احمر او كيس صغير ابيض بأحمر مكتوب عليه
اجي ني موتو
بشريني
:: حسناء ::

[dew]

أختي حسناء الف شكر لك على اهتمامك لسؤالي
وأحب أبشرك ان الطبخة طلعت مرة حلوة بس من غير الملح الصيني
ان شاء الله اني اجيب الملح وأرجع اعيد الطبخة بالمكونات المطلوبة
علشان أسميها بعد كذا طبخة حسناء ( لأني نسبتها لك )
اعاود الشكر الجزيل لك اختي

[مشـــاهد]

رهيبه مره شهويتونا .